ტექნიკური დავალების მიზანია გამოავლინოს ძირითადი გამოწვევები მუნციპალურ დონეზე სოციალური მუშაობის განხორციელებისთვის და ხელი შეუწყოს სოციალური მუშაობისა და სოციალური მომსახურების კონცეფტუალიზაციას.

შეფასების მიზანია უზრუნველყოს პროექტის შედეგების შეფასება მისი შესაბამისობის, ეფექტიანობისა და მდგრადობის ჭრილში, შეფასების როგორც რაოდენობრივი, ასევე თვისებრივი მიდგომების გამოყენების გზით. პროექტის შეფასება ხორციელდება მის ძირითად ინდიკატორებთან მიმართებით.

შეფასების მიზანია რომ შეისწავლოს იმერეთის განვითარების პროგრამის ეფექტიანობა და მისი გავლენა ბავშვების, ოჯახებისა და სამიზნე თემების ცხოვრებაზე. შეფასება ხორციელდება პროგრამის მთელს ციკლთან მიმართებით, შემდეგი მეთოდების გამოყენებით: სამაგიდე ანალიზი, რაოდენობრივი და თვისებრივი მონაცემების შეგროვება, სამიზნე ჯგუფების გამოკითხვების, ჩაღრმავებული ინტერვიუებისა და ფოკუს ჯგუფების საშუალებით.

კვლევის მიზანია გამოკვეთოს სოციალური დახმარების პროგრამის ფარგლებში მიღებული ბავშვთა ფულადი დახმარების განკარგვის მიზნობრიობა, მათ შორის საჭიროებები და / ნივთები, რომელზეც ნაწილდება ეს რესურსი და ამ ხარჯის გაწევის სხვა თავისებურებები / ძირითადი მახასიათებლები პროგრამის მონაწილე ბავშვიან ოჯახებში.

პროექტის მიზანია სასკოლო გარემოს გაჯანსაღება უკრაინელი ბავშვების მხარდაჭერისა და ინტერგაციისათვის. შესაბამისად, დაგეგმილია: მასწავლებელთათვის საინფორმაციო გზამკვლევის შემუშავება თავშესაფრის მაძიებელი და ან ლტოლვილი ბავშვების სპეციფიკისა და საჭიროებების შესახებ; სამუშაო შეხვედრების ორგანიზება და მათი გაძლიერება/ ცნობიერების ამაღლება; სასკოლო აქტივობების დეტალური აღწერილობის მომზადება და ერთობლივი საჩვენებელი ღონისძიებების ორგანიზება.

რუსეთ უკრაინის ომის შედეგად, საქართველოში მცხოვრები უკრაინელების საჭიროებების შეფასება მიზნად ისახავდა განახლებული ინფორმაციის შეგროვებას მათ საჭიროებებზე, არსებული სიტუაციის ანალიზს და ზამთართან დაკავშირებული გამოწვევების იდენტიფიცირებას. კვლევის მეორე ფაზის ფარგლებში გამოკითხულ იქნა 300 რესპონდენტი, განხორციელდა 3 ფოკუს ჯგუფი და მომზადდა შედეგების ანალიზი.

საბაზისო შეფასება მიზნად ისახავს არსებული სიტუაციის შეფასებას პროექტის განხორციელების საწყის ეტაპზე. პროექტი „გაუმჯობესებული ბავშვთა დაცვის სისტემები გურიასა და კახეთში“ ხორციელდება ეს-ო-ეს ბავშვთა სოფლის მიერ, ორგანიზაციებთან „ახალგაზრდა პედაგოგთა კავშირი“ და „კახეთის განვითარების ცენტრი“ თანამშრომლობით.

საკონსულტაციო მომსახურების მიზანია არსებული სოციალური პროგრამის მოდიფიცირება / განახლება ან/და ახალი სოციალური პროგრამის კონცეფციის განვითარება ქუთაისის მუნციპალიტეტის მერიისთვის, მონაწილეობითი მიდგომების გამოყენებით.

საკონსულტაციო მომსახურების მიზანია ბავშვთა შრომის საკითხებზე სატრენინგო სახელმძღვანელოს, ტრენინგის მოდულის მომზადება და ტრენერთა ტრენინგის (ToT) განხორციელება სპეციალისტებისათვის.

პროექტის მიზანია, საქართველოს 8 მუნიციპალიტეტში სოციალური საჭიროებების კვლევა და მუნიციპალური პროგრამების მოსახლეობის საჭიროებებთან შესაბამისობის ანალიზი, თვისებრივი კვლევის მეთოდების გამოყენებით.

საკონსულტაციო მომსახურებას მიზანია მუნიციპალური სოციალური პროგრამების შეფასების ინტრუმენტის განვითარება, სამაგიდე ანალიზის, საველე სამუშაოების განხორციელება მუნიციპალური სოციალური პროგრამების შეფასების მიზნით. ასევე დაგეგმილია მერიის თანამშრომელთა ტრენინგი პროგრამების თანამონაწილეობით შეფასებაში.

პროექტის ზოგადი მიზანია გენდერული თანასწორობის ხელშეწყობა სათემო მგრძობელობის ამაღლების გზით ისეთ საკითხებზე, როგორიცაა გენდერული სტეროტიპები და გენდერული ნიშნით ძალადობა. პროექტის სპეციფიკურ ამოცანებს წარმოადგენს: ა). თემის ლიდერების / ძირითადი აქტორების ცნობიერების ამაღლება გენდერული თანასწორობის საკვანძო საკითხებზე; ბ). სამიზნე ჯგუფების გააქტირება სოციალური ქმედებისათვის, ადგილობრივ დონეზე პოზიტიური ცვლილებების ხელშესაწყობად.

კვლევის მიზანი იყო იდენტიფიცირება და ანალიზი უმცირესობათა უფლებრივი მდგომარეობის პენიტეციურ სისტემაში. კვლევა განხორციელდა თვისებრივი კვლევის მეთოდების გამოყენებით და იგი ითვალისწინებდა პირისპირ ჩაღმავებულ ინტერვიუებს სამიზნე ჯგუფების წარმომადგენლებთან, ექსპერტულ ინტერვუებსა და ფოკუს ჯგუფებს შესაბამისი უწყებების თანამშრომლებთან.

საჭიროებათა კვლევის / შეფასების მიზანს წარმოადგენს ზუგდიდის მუნიციპალიტეტში ბავშვიანი ოჯახების საჭიროებების შესახებ განახლებული ობიექტური ინფორმაციის შეგროვება, ამასთან, კვლევით გამოვლენილ საჭიროებებზე გამოპასუხების კუთხით არსებული გამოწვევების იდენტიფიცირება. საჭიროებათა კვლევის დოკუმენტის საბოლოო მიზანია წარმოადგინოს ის ძირითადი მიგნებები და რეკომენდაციები სპეციფიკურ პროგრამებსა და მომსახურებებზე, რომელიც მნიშვნელოვია, რომ განავითაროს ზუგდიდის ადგილობრივმა მთავრობამ და სხვა დაინტერესებულმა მხარეებმა.

სწრაფი საჭიროებათა შეფასების (RNA) მიზანი არის უკრაინელი ლტოლვილების პირველადი საჭიროებებისა და პრიორიტეტების გამოკვეთა. ამ მიზნით, სწრაფი შეფასება ხორციელდება კვლევის შერეული, როგორც რაოდენობრივი ასევე თვისებრივი, მეთოდების გამოყენებით. კვლევის სამიზნე ლოკაციებია: თბილისი, ბათუმი, ქუთაისი, ახალციხე და ყაზბეგი (გამშვები პუნქტი „ყაზბეგი“).

პროექტი მთავარი მიზანია ერთის მხრივ ხელი შეუწყოს ბავშვთა დეპრივაციის განსაზღვრას სხვადასხვა მიზნობრივ ჯგუფებთან განხორციელებული ფოკუს ჯგუფური დისკუსიებით, ხოლო მეორეს მხრივ უზრუნველყოს ბავშვებისა და ახალგაზრდებთან საკონსულტაციო შეხვედრები „ბავშვთა მეგობრული ქალაქების“ სტრატეგიის / სამოქმედო გეგმის შემუშავებაში საქართველო სამ ქალაქში: თბილისი, ქუთაისი და ბათუმი.

პროექტის მიზანია ხელი შეუწყოს გენდერული თანასწორობის მიღწევას ადგილობრივ დონეზე პროფესიული განვითარებისა და ცნობიერების ამაღლების აქტივობებით. პროექტის სპეციფიკურ ამოცანებს წარმოადგენს: ა). გააძლიეროს ადგილობრივი თემის ლიდერების, როგორც ძირითადი აქტორებისა და ცვლილებების აგენტების, პროფესიული შესაძლებლობები გენდერული თანასწორობის საკითხებზე ცოდნის მიწოდებით, ასევე ტრენინგისა და ფასილიტაციის უნარების გასაუმჯობესების გზით. ბ). აამაღლოს ადგილობრივი მოსახლეობის, განსაკუთრებით კი ბაღის აღმზრდელებისა და სამოქალაქო განათლების პედაგოგების ცნობიერება გენდერული ნიშნით ძალადობის საკითხებზე, გენდერულ სტეროტიპებზე, საზიანო სოციალურ და გენდერულ ნორმებზე, და ასევე გენდერული ნიშნით ძალადობის პრევენციაზე

პროექტის მიზანია სოფლად მცხოვრები ქალების ხელმისაწვდომობის გაზრდა რეპროდუქციული ჯანმრთელობის საკითხებსა და სერვისებზე, ცნობიერების ამაღლებისა და ადვოკატირების  გზით. პროექტის ამოცანებია: შეხვედრებისა და დისკუსიების ორგანიზება; გენდერული თანასწორობის საბჭოს წევრთა ცოდნისა გაძლიერება  რეპროდუქციული ჯანმრთელობის საკითხებზე.

პროექტის მიზანია ზესტაფონისა და ბაღდათის მუნიციპალიტეტებში სოციალური მომსახურების მიწოდების სისტემის გაუმჯობესება,  უკეთესი  და საჭიროებებზე ორიენტირებული სოციალური პოლიტიკის შემუშავება, ინკლუზიური თანამშრომლობით და ადგილობრივ თვითმართველობასთან დიალოგის გზით. ბაღდათისა და ზესტაფონის მუნიციპალიტეტში თემის  საჭიროებათა შეფასება/თვისებრივი კვლევა;  სამუშაო შეხვედრების ფასილიტაცია; სოციალური პოლიტიკის დოკუმენტის შემუშავება.